IV Велікодная нядзеля называецца Нядзеляй Добрага Пастыра.
Касцёл заклікае нас маліцца аб пакліканні да кансэкраванага жыцця і
святарства.
Жніво вялікае, а работнікаў мала… Сённяшні свет мае патрэбу ў
святарах па ўзоры Хрыста Добрага Пастыра, таму на працягу гэтага
тыдня просім Пана, каб у Яго авечак былі верныя і адданыя пастыры.
“Я Добры Пастыр. Добры Пастыр аддае жыццё сваё за авечак”
(Ян 10,11). Гэтымі словамі Езус кажа нам, што любіць нас і клапоціцца
пра нас. “Пан Пастыр мой, ні ў чым не буду мець нястачы”.
Езус – наш Настаўнік, дае нам дастаткова святла, якое асвятляе
шляхі , часам змрочныя, нашага існавання; дае нам таксама сілу,
неабходную для пераадолення цяжкасцяў, выпрабаванняў і спакусаў.
Малiтва аб святарскiх паклiканнях.
Пане Езу Хрысце, Найвышэйшы Божы Пастыр, Ты паклiкаў
апосталаў i ўчынiў iх вястунамi Добрай Навiны, схiлi да сябе гарачыя i
прыстойныя сэрцы маладых людзей, учынi iх сваiмi паслядоўнiкамi.
Учынi, каб падзялялi Тваё жаданне паўсюднага збаўлення,
заўважалi маленнi братоў i сясцёр усяго свету аб дары веры i
ўзаемнай любовi. Адказваючы на Твой заклiк, няхай працягваюць
мiсiю ўзрастання Касцёла, i стануць соллю зямлi.
айцец духоўны Ян Сарэла
